But whan the bysshop was therto most besy
With the body to Poulis forto gon,
Yt stood as fyx as a gret hill off ston.
Multitude ther myhte noon avayle,
Al be they dyde ther fforce and besy peyne;
For but in ydel they spent ther travayle.
The peple lefte, the bysshop gan dysdeyne:
Drauht off corde nor off no myhty chayne
Halp lyte or nouht--this myracle is no fable--
For lik a mount it stood ylyche stable.
Wherupon the bysshop gan mervaylle,
Fully diffraudyd off his entencion.
And whan ther power and fforce gan to faylle,
Ayllewyn kam neer with humble affeccion,
Meekly knelyng sayde his orysoun:
The kyng requeryng lowly for Crystes sake
His owyn contre he sholde not forsake.
With this praier Ayllewyn aroos,
Gan ley to hand: fond no resistence,
Took the chest wher the kyng lay cloos,
Leffte hym up withoute violence.
The bysshop thanne with dreed and reverence
Conveyed hym forth with processioun,
Till he was passid the subarbis off the toun.
* * * * *
CHAPTER VII.
Pages:
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142